HERRIKO DANTZAK

Herriko Dantzak elkarteak berriz hasten ditu bere dantza kurtsoak OmiaSainduko bakantzetarik landa :

• azaroaren 8-tik haste astearteko kurtsoentzat
• Azaroaren 9-tik haste asteazkeneko kurtsoentzat,
• Kantu kurtsoak hasiko dira azaroaren 18ean, 11 besta eguna izanez.

Aitzineko urteetan bezala kurtsoak izanen dira :

• Astearte aratsetan, 20.30etan : Dantza Jauzien (Mutxikoak…) ikasteko
• Asteazken aratsetan, 20etan : Fandangoaren ikasteko
• Asteazken aratsetan, 21etan : Dantza Jauziak eta Fandangoa jada badazkitenentzat

KASU : asteazken aratseko kurtso bakar batean parte hartzen ahalko da, edo 20etan, edo 21etan. Tenore bakotxeko kopurua ez emendatzeko ez da bietan segidan egoiten ahalko.

• Ostirala aratsetan, 20.30etan : Euskal kantu xahar eta berrien ikasteko.

Dantza Jauziak (Mutxikoak…) ikasi behar dira lehenik, astearte aratseko kurtsoetan, eta atsulutuki jakin behar dira asteazken aratsetako kurtsoetan parte hartzeko. Gainera Fandangoa ikasi behar da ere, asteazken aratsetako 20etako kurtsoetan, 21etako kurtsoetan parte hartzeko eta bertze dantzen ikasteko. Gisa guziz asteazken aratseko kurtsoetan beti hasten gira Dantza Jauziekin gorputzaren berotzeko. Kantuen ikasteko kurtso bakar bat da guzientzat.

Kurtsoak iragaiten dira DENENTZAT etxean, Kanbon, Bordart etorbidean, Postaren gibelean. Izen emaiteak tokian berean egiten dira, kurtso orenetan. Urte saria beti 20 Eurokoa da, presuna bakotx. Prezio bereziak badira ikasle edo lan gabezian direnentzat.

Herriko Dantzak elkarteak 1989 urtetik haste antolatzen ditu bere kurtsoak. Animatzaile guziak bolondresak dira eta gehienek esperientzia ona badute elkartearen sortzetik geroz hor baitira.

Laster arte, atsegin handirekin elgarretaratuko gira berriz.